កម្លាំងនគរបាលចាប់ខ្លួនជនសង្ស័យ១០នាក់ ពាក់ព័ន្ធគ្រឿងញៀន
18-December-2018 | ដោយ ពលមនសិការ
ភ្នំពេញ៖ រយៈពេល២ថ្ងៃចាប់ពីថ្ងៃទី១៧-១៨ ខែធ្នូ ឆ្នាំ២០១៨ លោកវរសេនីយ៍ឯក ជឹម ស៊ីថា អធិការនគរបាលខណ្ឌដង្កោបានដឹកនាំកម្លាំងជំនាញស្រាវជ្រាវឃាត់ខ្លួនជនសង្ស័យ១០នាក់ ពាក់ព័ន្ធករណីជួញដូរនិងប្រើប្រាស់ដោយខុសច្បាប់នូវសារធាតុញៀន ចំនួន៣ករណី។
វត្ថុតាងដកហូតៈក្រាមពណ៌សថ្លាចំនួន០៨កញ្ចប់ថង់តូច,ម៉ូតូ០២គ្រឿង និងទូរស័ព្ទដៃចំនួន០៤គ្រឿង និងសម្ភារៈជក់ថ្នាំញៀនមួយចំនួន (សង្កាត់ដង្កោ០១ករណី, សង្កាត់ព្រែកកំពឹស០១ករណី និងសង្កាត់ពងទឹក០១ករណី)។
ករណីទី១-កម្លាំងសមត្ថកិច្ចឃាត់ខ្លួន០៦នាក់ ពាក់ព័ន្ធករណីជួញដូរ និងប្រើប្រាស់ដោយខុសច្បាប់នូវសារធាតុញៀន។ វត្ថុតាងដកហូតៈ ក្រាមពណ៌សថ្លាចំនួន០១កញ្ចប់ថង់តូច, ទូរស័ព្ទដៃចំនួន០២គ្រឿង និងសម្ភារៈជក់ថ្នាំញៀនមួយចំនួន។
ជនសង្ស័យទាំង០៦នាក់រួមមានទី១.ឈ្មោះ រិទ្ធិ ចិត្ត្រា ភេទប្រុស អាយុ២០ឆ្នាំ មុខរបរកម្មករតុបតែងរោងការ ទីលំនៅភូមិរោងចក្រ សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ, ទី២.ឈ្មោះ ឡុង បញ្ញា ភេទប្រុស អាយុ២១ឆ្នាំ មុខរបរមិនពិតប្រាកដ ទីលំនៅភូមិព្រៃកី.ខ សង្កាត់ពងទឹក ខណ្ឌដង្កោ រាសជធានីភ្នំពេញ, ទី៣.ឈ្មោះ សន ដាវីត ភេទប្រុស អាយុ២៤ឆ្នាំ មុខរបរនៅផ្ទះ ទីលំនៅភូមិព្រៃកី.ខ សង្កាត់ពងទឹក ខណ្ឌដង្កោ រាជធានីភ្នំពេញ, ទី៤.ឈ្មោះ សៀរ វ៉ាន់រាជ្យ ភេទប្រុស អាយុ១៨ឆ្នាំ មុខរបរនៅផ្ទះ ទីលំនៅភូមិព្រៃកី.ក សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ, ទី៥.ឈ្មោះ ម៉ុន បញ្ញា ភេទប្រុស អាយុ១៨ឆ្នាំ មុខរបរនៅផ្ទះ ទីលំនៅភូមិក្រាំងដូនទ័យ សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ និងទី៦.ឈ្មោះ វ៉ាន សំបូរ ភេទប្រុស អាយុ១៧ឆ្នាំ មុខរបរនៅផ្ទះ ទីលំនៅភូមិព្រៃកី.ក សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ។
ករណីទី២-សមត្ថកិច្ចឃាត់ខ្លួនជនសង្ស័យ៣នាក់ ពាក់ព័ន្ធករណី រក្សាទុកដោយខុសច្បាប់នូវសារធាតុញៀន។ វត្ថុតាងដកហូតៈក្រាមពណ៌សថ្លាចំនួន០៧កញ្ចប់ថង់តូច,ម៉ូតូ០២គ្រឿង និងទូរស័ព្ទដៃ០២គ្រឿង (សង្កាត់ដង្កោ និងសង្កាត់ព្រែកកំពឹស)។
ជនសង្ស័យទាំង០៣នាក់រួមមានៈទី១.ឈ្មោះ យ៉ាន រតនៈ ភេទប្រុស អាយុ១៥ឆ្នាំ មុខរបរកម្មករឃ្លាំងអេតចាយ ស្នាក់នៅក្នុងឃ្លាំងអេតចាយ ស្ថិតនៅភូមិបាគូ សង្កាត់ដង្កោ ខណ្ឌដង្កោ រាជធានីភ្នំពេញ, ទី២.ឈ្មោះ អ៊ុំ ពិសិដ្ឋ ភេទប្រុស អាយុ២០ឆ្នាំ មុខរបរបើកអេស្កាវ៉ាទ័រ ស្នាក់នៅក្នុងឃ្លាំងអេតចាយ ស្ថិតនៅភូមិបាគូ សង្កាត់ដង្កោ ខណ្ឌដង្កោ រាជធានីភ្នំពេញ និងទី៣.ឈ្មោះ ស៊ុន សល់ ភេទប្រុស អាយុ៣០ឆ្នាំ មុខរបរកម្មករសំណង់ ស្នាក់នៅក្នុងការដ្ឋានសំណង់ ស្ថិតនៅភូមិជើងឯក សង្កាត់ជើងឯក ខណ្ឌដង្កោ រាជធានីភ្នំពេញ ។
ករណីទី៣-សមត្ថកិច្ចឃាត់ខ្លួនជនសង្ស័យម្នាក់ឈ្មោះ ស៊ីម សុផាន់ណា ភេទប្រុស អាយុ២៣ឆ្នាំ មុខរបរមិនពិតប្រាកដ ទីលំនៅភូមិព្រែកថ្លឹង សង្កាត់ព្រែកកំពឹស ខណ្ឌដង្កោ រាជធានីភ្នំពេញ។
បច្ចុប្បន្នជនសង្ស័យកម្លាំងនគរបាលខណ្ឌបានកសាងសំណុំរឿងបញ្ជូនទៅអយ្យការអមសាលាដំបូងរាជធានីភ្នំពេញដើម្បីចាត់ការតាមនីតិវិធី ៕
ចំនួនអ្នកទស្សនា
- ថ្ងៃនេះ11601
- ម្សិលមិញ11441
- សប្តាហ៍នេះ41431
- ខែនេះ156581
- ឆ្នាំនេះ156581
- សរុប20599037